Кабинетке кіру
Қазақстандық ғалымдар жаңа виварийде алғашқы тәжірибелік операцияны жүргізді.
UMC Жүрек орталығының ғылыми тобы мен Heart Center Foundation инженерлер командасы жаңа виварийде алғашқы тәжірибелік операцияны жүзеге асырды. Бұл іс-шара отандық ALEM (Astana Life Ex-situ Machine) жүйесін зерттеу және әзірлеу аясында өткізілді.
Жаңа виварийдің ашылуы NU Биомедициналық зерттеу орталығының таныстырылымы шеңберінде өтті.
5 600 м² астам алаңда биомедициналық және доклиникалық зерттеулер жүргізуге барлық жағдай жасалған. Атап айтқанда, геномика, молекулалық биология, тіндік инженерия, регенеративтік және трансляциялық медицина салаларында зерттеулер жүргізуге арналған платформа бар.
Басты ерекшелігі — биология және фармакология саласындағы ғылыми зерттеулер жүргізілетін виварий. Технологиялық жабдықталу деңгейі мен халықаралық биоқауіпсіздік стандарттарын сақтау бойынша бұл өңірдегі теңдесі жоқ объект, — деп хабарлайды Қазақстан Республикасының Премьер-министрі сайты.
Орталық туралы толық ақпаратты мына сайттан оқуға болады: www.primeminister.kz
Доктор Юрий Пя:
«Мұндай деңгейдегі заманауи зертханаларда жұмыс істеу мүмкіндігі әлемде шектеулі. Бүгін жаңа операциялық блокта органдарды оқшауланған күйде әрі қарай зерттеу үшін алғашқы процедура жүргізілді. Бұл органдар біздің командамыз әзірлеген арнайы ALEM жүйесі арқылы қолдау табады, бұл олардың өміршеңдік динамикасын дәлірек зерттеуге мүмкіндік береді.»
Қазақстандық ғалымдар жаңа виварийде алғашқы тәжірибелік операцияны жүргізді.