Қорға көмектесу

Эндаумент форматы қайырымдылық жарналары есебінен қалыптасатын мақсатты капиталдың болуын білдіреді. Ол әрі қарай жарғылық қызметті қаржыландыруға пайдаланылады.

Қорымыз эндаумент форматын таңдады, себебі жүйелі қайырымдылықтың табысы осында деп санаймыз.

Мұны қалай жасаймыз? Дәрігерлерді клиникада және оның сыртында оқытамыз, қызметкерлерді ірі, пайдалы ғылыми іс-шараларға жібереміз, дәрігерлердің бастамалары мен ғылыми жобаларын қаржыландырамыз, ағарту жұмысына қаражат саламыз.

Барлық операция өз елімізде жасалып, науқастарды емделуге шетелге жіберу қажеттілігі болмауы үшін Қазақстанда кардиологияны дамытамыз.

Қорымыздың дәрігерлерге көмектесетін үш бағыты бар: ғылым, білім және ағарту. Ғылым бағытында ғылыми конференциялар ұйымдастырып, қаржыландырамыз, дәрігерлердің сапарларын және халықаралық конференцияларға қатысуын қамтамасыз етеміз. Ағзаларды ұзақ уақыт сақтауға, емдеуге және тасымалдауға арналған отандық ALEM (Astana Life Ex-situ Machine) құрылғысын әзірлеп жатырмыз.

Білім беру бағытында Қазақстанның кардиохирургия және кардиология қызметтерінің резиденттеріне стипендиялар мен travel-гранттар бөлеміз, өңірлік мамандар үшін мастер-класстар ұйымдастырамыз, мектептердің жоғары сынып оқушыларына жүрек-өкпе реанимациясын үйретеміз, дәрігерлерді біліктілігін арттыру курстарына жібереміз.

Ағарту бағытында бізде Астана қаласының барлық тұрғынын біріктіруге көмектесетін, жақын арада бүкіл ел азаматтарын біріктіретін бірегей жоба бар — Jüregımnıñ jeñimpazy жүгіру-фестивалі. Бұл жобаны трансплантология мен донорлық тақырыбын жария ету, сондай-ақ Күту тізімінде тұрған адамдарды қолдау үшін жасаймыз.