Шымкент қаласында туа біткен жүрек ақаулары бойынша көшпелі мектеп өтті

Heart Center Foundation қоры балалардағы туа біткен жүрек ақауларын диагностикалау сапасын арттыруға, өңір мамандарының кәсіби құзыреттерін дамытуға, сондай-ақ ТЖА бар балалардың ата-аналарын ақпараттандыру және қолдауға бағытталған екі маңызды іс-шара ұйымдастырды.

 • Туа біткен жүрек ақаулары (ТЖА) бойынша пациенттік мектеп;

 • Балалар мамандарына арналған эхокардиография (ЭхоКГ) бойынша практикалық мастер-класс.

Іс-шара 90 қатысушыны біріктіріп, кәсіби білімін жетілдіруге, тәжірибе алмасуға және мамандармен тікелей диалог орнатуға мүмкіндік берді.

Мастер-класс барысында эхокардиография бойынша клиникалық жағдайларды талдаумен қатар практикалық сабақтар өткізілді; туа біткен жүрек ақауларының күрделі түрлері бар 9 пациент қаралып, жан-жақты талқыланды; пациенттерді одан әрі жүргізу тактикасы бойынша ұсынымдар берілді.

Пациенттік мектеп аясында ТЖА-ны диагностикалау және емдеу тәсілдері, хирургиялық араласуға дайындық кезеңдері, операциядан кейінгі бақылау ерекшеліктері, сондай-ақ ТЖА бар баланың күнделікті өміріне қатысты мәселелер қарастырылды. Ата-аналар өздерін толғандырған сұрақтарын мамандарға тікелей қою мүмкіндігіне ие болды.

Тікелей эфир жазбасы:

Өткізілген іс-шаралар өңірдегі балалар кардиологиясының дамуына елеулі үлес қосып, келесі нәтижелерге қол жеткізуге мүмкіндік берді:

— ТЖА бар балалардың ата-аналарының ақпараттану деңгейін арттыруға;

— өңіраралық кәсіби тәжірибе алмасуды күшейтуге;

— балалар мамандарының диагностикалық дағдыларын жетілдіруге;

— балалар кардиологиясы саласында тұрақты кәсіби қауымдастықтың қалыптасуына ықпал етуге.

Бүгінгі күні «JUREK» пациенттік мектебінің 4 көшпелі іс-шарасы өткізілді: Астана, Алматы, Ақтау қалаларында және Түркістан облысында. 2026 жылы жоба географиясын кеңейтіп, Қазақстанның 8 өңірін қамту жоспарлануда.Түркістан облыстық балалар клиникалық ауруханасының ұжымына қолдау көрсеткені, ынтымақтастығы және пациенттік мектепті ұйымдастыруға қосқан үлесі үшін ерекше алғыс білдіреміз.

Біздің медиа-команданың репортажын назарларыңызға ұсынамыз.