Кабинетке кіру
Өскемен қаласында (ШҚО) «JÜREK» Пациенттік мектебі жобасы өтті
Бүгін біз Шығыс Қазақстан облысына туа біткен жүрек ақауына күдігі бар балаларға кеңес беріп, тексерулер жүргізу, сондай-ақ күрделі кардиологиялық жағдайлары бар пациенттерге практикалық көмек көрсету мақсатында келдік.
Бұл сапар Heart Center Foundation қоғамдық қоры мен UMC Жүрек орталығының бірлесіп жүзеге асырып отырған «Пациенттер мектебі» жобасы аясында ұйымдастырылды. Жоба туа біткен жүрек ақауы бар балаларды тәрбиелеп отырған отбасыларға қолдау көрсетуге, ата-аналардың ерте диагностика және қазіргі кардиология мүмкіндіктері туралы хабардарлығын арттыруға, сондай-ақ Қазақстан өңірлерінде пациенттік білім беруді дамытуға бағытталған.
Біз кеңес беріп, балаларға тексерулер жүргіздік. Жалпы 20-ға жуық пациент қаралды, оларға эхокардиография жасалып, әрі қарай бақылау немесе емдеу бойынша ұсыныстар берілді. Кейбір балаларға кардиологтың динамикалық бақылауы жеткілікті болса, бірқатар жағдайда қосымша тереңдетілген тексеру немесе мамандандырылған орталықтарға жолдау қажет екені анықталды.
Қазақстан облысында 2025 жылы 120-дан астам нәрестеден туа біткен жүрек ақауы анықталған. Оның ішінде 64 балаға ота жасалды.
Ерте диагностика шешуші рөл атқарады, себебі дәл осы кезеңде баланың денсаулығы мен өмір сапасын сақтауға мүмкіндік туады. Туа біткен жүрек ақауы неғұрлым ерте анықталса, соғұрлым дер кезінде ем жүргізуге және баланың толыққанды өмір сүруіне мүмкіндік артады. Сондықтан ата-аналар кеңес алу мен тексеруге жүгінуден қорықпауы тиіс.
Шараға UMC Жүрек орталығының балалар кардиологиясы бөлімінің меңгерушісі, балалар кардиологы Байгалканова Альмира Иагалиевна, сондай-ақ балалар кардиохирургиясы бөлімінің кардиохирург дәрігері Нашкенов Тлектес Асылбекович қатысты.
Өскемен қаласында (ШҚО) «JÜREK» Пациенттік мектебі жобасы өтті